Satellitt Sunnhordland

Talentsenter i realfag satellitt Sunnhordland er eit sosialt og fagleg tilbod for elevar frå 6. til 8. trinn som er ekstra interesserte i matematikk, naturfag og teknologi – eller som har stort potensial for å utvikle seg innan desse faga. Her får elevane ein heilt unik arena der dei kan møte andre som er like nysgjerrige som dei sjølve.

Undervisninga følgjer VilVite-metoden: utforskande og praktisk læring, der elevane får undersøkje, prøve ut, stille eigne spørsmål og finne eigne svar. Målet er å gi dei større utfordringar, meir inspirasjon – og å utvikle talent dei kanskje ikkje visste at dei hadde.

Og det beste av alt? Dette er heilt gratis for elevane.

For å få plass må ein søkje kvart år, på vårparten. Elevane som får plass, deltek på fire samlingar i løpet av skuleåret.

Kvar samling går over to dagar, i skuletida, og har sitt eige tema. Her jobbar dei saman i ei gruppe på 20 elevar frå ulike skular i regionen.

Talentsenteret i Sunnhordland er ope for elevar i heile regionen.

Kort sagt: Talentsenter i realfag er ein plass for barn og unge som brenn for å lære, som vil bli utfordra, og som synest det er gøy å dykke djupare ned i realfaglege tema.

Elevane får besøkje ulike verksemder i regionen og kan bli inspirerte til å vende tilbake til regionen etter endt framtidig studie.

Vi ønskjer deg og verksemda di med på laget slik at vi kan oppretthalde dette tilbodet i Sunnhordland. Talentsenter i realfag motiverer dine framtidige tilsette! Bli med på spleiselaget og så frø for framtida!

Satellitt Sunnhordland har blitt til i samarbeid med SR-banken, HVL, Sparebanken Norge, SKL, Kattnakken, Tekna Sunnhordland, Salt Ship Design, Breeze Ship Design, Multiconsult, Stord kommune og Atheno. Tusen takk for støtten.